அம்லோடிபைன் மருந்து உயர் இரத்த அழுத்த சிகிச்சை மற்றும் இதயம் தொடர்பான நெஞ்சு வலியை (ஆஞ்சினா) தடுக்க பயன்படுத்தப்படுகிறது
- இந்த மருந்து இரத்த அழுத்தத்தைக் குறைக்கிறது மற்றும் இதயத்தின் பணிச்சுமையைக் குறைக்கிறது
- இது மாரடைப்பு மற்றும் பக்கவாதத்தைத் தடுக்க உதவுகிறது
அம்லோடிபைன் மாத்திரை பயன்கள்
- உயர் இரத்த அழுத்தம் சிகிச்சை
- இதயம் தொடர்பான நெஞ்சு வலி (ஆஞ்சினா) சிகிச்சை
- மாரடைப்பு மற்றும் பக்கவாதம் தடுப்பு
அம்லோடிபைன் மாத்திரையை எவ்வாறு பயன்படுத்துவது
உங்கள் மருத்துவர் பரிந்துரைத்த ஒரு குறிப்பிட்ட நேரத்தில் உணவு உண்பதற்கு முன் அல்லது பின் அம்லோடிபைன் மாத்திரையை எடுத்துக்கொள்ளவும்
ஒரு கிளாஸ் தண்ணீருடன் மாத்திரையை முழுவதுமாக விழுங்கவும், மெல்லவோ, நசுக்கவோ அல்லது உடைக்கவோ வேண்டாம்
அம்லோடிபைன் எவ்வாறு வேலை செய்கிறது
அம்லோடிபைன் கால்சியம் வழித்தட தடுப்பான் (calcium channel blocker) எனப்படும் மருந்துகளின் வகையைச் சேர்ந்தது.
கால்சியம் இதயம் மற்றும் இரத்த குழாய்களில் அழுத்தத்தை அதிகரிக்கிறது. இந்த மருந்து இதயம் மற்றும் தமனிகளின் உயிரணுக்களுக்குள் கால்சியம் செல்வதை நிறுத்துகின்றது
இது இரத்த நாளங்களின் மீதான அழுத்தத்தைக் தளர்த்துவதன் மூலம் உயர் இரத்த அழுத்தத்தை இயல்பாக்குகிறது, இதனால் உடலில் இரத்த ஓட்டத்தை மேம்படுத்துகிறது.
உடலில் மேம்பட்ட இரத்த ஓட்டம், இதயத்தின் மீது பணிச்சுமையை குறைப்பதன் மூலம் இதய தசைகளை தளர்த்துகிறது.
இது உடலில் ஆக்ஸிஜன் ஓட்டத்தை மேம்படுத்துகிறது, இதனால் இதயம் தொடர்பான நெஞ்சு வலியைத் (ஆஞ்சினா) தடுக்கிறது
கர்ப்ப கால தொடர்பு
கர்ப்ப காலத்தில் அம்லோடிபைன் மாத்திரைகளைப் பயன்படுத்துவது பாதுகாப்பானது அல்ல
தாய்ப்பால் கொடுக்கும் தாய்மார்கள் அம்லோடிபைன் மாத்திரையைப் பயன்படுத்துவது பாதுகாப்பானது அல்ல, சரியான சிகிச்சையைப் பெற உங்கள் மருத்துவரை அணுகவும்.
அம்லோடிபைன் பக்க விளைவுகள்
- தலைவலி
- சோர்வு
- குமட்டல்
- வயிற்று வலி
- தூக்கம்
- வீங்கிய கணுக்கால் (எடிமா)
- மயக்கம்
- குமட்டல்
பாதுகாப்பு
- நீங்கள் கர்ப்பமாக இருந்தால் அல்லது தாய்ப்பால் கொடுப்பவராக இருந்தால் உங்கள் மருத்துவரிடம் தெரிவிக்கவும்.
- ஒவ்வொரு நாளும் உங்கள் மருத்துவர் குறிப்பிட்ட நேரத்தில் இந்த மருந்தை எடுத்துக் கொள்ள நினைவில் கொள்ளுங்கள். இது எதிர்காலத்தில் மாரடைப்பு மற்றும் பக்கவாதம் ஏற்படுவதற்கான வாய்ப்பைக் குறைக்கிறது.
- இந்த மருந்தை முதல் முறை எடுக்கத் தொடங்கும் போது, உங்கள் இரத்த அழுத்தத்தில் திடீர் வீழ்ச்சி ஏற்படலாம். இதனால் தலைச்சுற்றல் அல்லது மயக்கம் ஏற்படுவதை தவிர்க்க, எந்த செயலையும் மெதுவாக செய்யுங்கள்.
- அம்லோடிபைன் கணுக்கால் அல்லது கால் வீக்கத்தை ஏற்படுத்தும். வீக்கத்தைக் குறைக்க, நீங்கள் உட்கார்ந்திருக்கும்போது உங்கள் கால்களை உயர்த்தவும். அது சரியாகவில்லை என்றால் உங்கள் மருத்துவரிடம் கூறுங்கள்.
- இந்த மருந்து உங்களை எவ்வாறு பாதிக்கிறது என்பதை அறியும் வரை, கவனமாக செய்ய வேண்டிய எந்தவொரு செயலிலும் ஈடுபட வேண்டாம்.
தற்காப்பு நடவடிக்கைகள்
- அம்லோடிபைன் எதுத்துக்கொள்ளும்போது, இரத்த அழுத்தம் குறைதல் போன்ற பக்க விளைவுகளை தவிர்க்க மது அருந்துதல் தவிர்க்கப்பட வேண்டும். உங்கள் மருத்துவரிடம் ஆலோசனை பெறவும்
- நீங்கள் எப்போதாவது ஒரு முறை மருந்தளவை தவறவிட்டால் கூடிய விரைவில் அதனை எடுத்துக் கொள்ளுங்கள்
- அடுத்த மாத்திரையை எடுத்து கொள்ள நேரம் ஆகிவிட்டால், தவறிய மருந்தளவைத் தவிர்த்துவிட்டு, பரிந்துரைக்கப்பட்டபடி உங்கள் வழக்கமான அட்டவணையைப் பின்பற்றவும், மருந்தளவை இரண்டு மடங்கு எடுத்துக்கொள்ளாதீர்கள்.
- அம்லோடிபைன் மருந்தை குழந்தை மருத்துவரால் பரிந்துரைக்கப்பட்ட 6 வயதுக்கு மேல் உள்ள குழந்தைகளுக்குப் பாதுகாப்பாகக் கொடுக்கலாம். குழந்தை மருத்துவரின் ஆலோசனையின்றி கொடுக்கக் கூடாது.
கீழ்வரும் மருந்துகளில் ஏதேனும் ஒன்றை நீங்கள் எடுத்துக் கொண்டால், அம்லோடிபைன் எடுத்துக்கொள்வதற்கு முன் உங்கள் மருத்துவரிடம் தெரிவிக்கவும்
- வேறு உயர் இரத்த அழுத்தத்தைக் குறைக்கும் மாத்திரைகள்
- இரத்தத்தில் கொழுப்பு அளவுகளைக் கட்டுப்படுத்தப் பயன்படுத்தப்படும் மருந்துகள்
- விறைப்புச் செயலிழப்பு சிகிச்சைக்கான மருந்துகள் (erectile dysfunction)
- நுண்ணுயிர் எதிர்ப்பிகள் (antibiotics)
- பூஞ்சை எதிர்ப்பு மருந்துகள் (antifungals)
- எச்.ஐ.வி எதிர்ப்பு மருந்துகள்
- வலிப்பு நோய் எதிர்ப்பு மருந்துகள்
- நோயெதிர்ப்பு-அடக்குமுறை மருந்துகள் (immune-suppressing drugs)
- வலி நிவாரணிகள் (painkillers)
மருந்து நோய் தொடர்பு
- சிறுநீரகம் மற்றும் கல்லீரல் நோய்கள் உள்ள நோயாளிகள் இந்த மருந்தை உட்கொள்ளும் முன் தங்கள் மருத்துவரை அணுக வேண்டும்.
- கார்டியோஜெனிக் அதிர்ச்சி (உடலுக்கு தேவையான இரத்தத்தை இதயம் அனுப்பாமல் இருத்தல்), இதய அடைப்பிதழ் பிரச்சனை, குறைந்த இரத்த அழுத்தம், கல்லீரல் அல்லது இதய நோய் உள்ளவர்களுக்கு இந்த மருந்தை வழங்கக்கூடாது
விவரங்கள்
- இரசாயன வகுப்பு: டைஹைட்ரோபிரிடின் கார்பாக்சிலிக் அமிலங்களின் வழித்தோன்றல்கள்
- போதை பழக்கத்தை உருவாக்கும் மருந்து : இல்லை
- சிகிச்சை வகுப்பு : இதயம் சார்ந்த
- அட்டவணை “எச்” பரிந்துரைக்கப்பட்ட மருந்து : பதிவுசெய்யப்பட்ட மருத்துவ பயிற்சியாளரின் சமீபத்திய முறையான பரிந்துரை இல்லாமல் இந்த மருந்தை சில்லறை மருத்துவக் கடைகள் அல்லது ஆன்லைன் மருந்தகங்களில் விற்கக்கூடாது.
- ஒளி மற்றும் ஈரப்பதம் இல்லாத இடத்தில் மருந்தை வைக்கவும்
- குழந்தைகளுக்கு எட்டாத இடத்தில் வைக்கவும்
எந்தவொரு உடல்நலம், மருத்துவ நிலை, நோயறிதல் அல்லது சிகிச்சை குறித்து எப்போதும் மருத்துவரை அணுகவும்.
உங்கள் மருத்துவரின் ஆலோசனையைப் பின்பற்றுங்கள், இந்தத் தளத்தில் நீங்கள் பார்த்த அல்லது படித்தவற்றின் காரணமாக அதைப் புறக்கணிக்காதீர்கள்.